QazaqGaz салалық конференцияда отандық тауар өндірушілерді қолдау мәселесін талқылады

"QazaqGaz" ҰК " АҚ Басқарма төрағасы Әлібек Жамауов "Қазмұнайгазсервис – 2026: Мұнай-газ құрылысы және инжиниринг" XIII жыл сайынғы конференциясына қатысты. Ол өзінің құттықтау сөзінде компанияның жергілікті қамтуды дамыту және отандық өндірушілерді қолдау жөніндегі саясаты туралы айтты.

Конференция алаңында сөйлеген сөзінде Әлібек Жамауов QazaqGaz қазақстандық кәсіпорындарға оффтейк-келісімшарттар жасасу, сатып алу рәсімдерінің талаптары және техникалық ерекшеліктер мәселелері бойынша жүйелі негізде кеңес беретінін атап өтті. Бұл шаралар жергілікті жеткізушілердің Samruk-Kazyna қоры тобының жобаларына қатысуын кеңейтуге бағытталған.

"2022-2025 жылдары KazService салалық бірлестігіне кіретін өндірушілермен жалпы сомасы 6 млрд теңгеден астам келісімшарттар жасалды", – деп атап өтті Ұлттық компания басшысы.

Қабылданып жатқан шаралар мұнай-газ инфрақұрылымы мен инжинирингке сұраныстың артуы жағдайында отандық тауар өндірісін дамытуға бағытталған. Ол сондай-ақ ұлттық компания елішілік құндылықты дамытуға баса назар аударатынын атап өтті.